Courtesy: ایکسپریس
ایک امریکی ایئربیس پر موجود جاسوس طیارے کی تصویر انٹرنیٹ پر وائرل ہوگئی ہے جس کے بارے میں دعویٰ کیا گیا ہے کہ وہ دنیا کا سب سے تیز رفتار امریکی خفیہ طیارہ ہے جو 7 ہزار 400 کلومیٹر فی گھنٹے کی رفتار سے پرواز کرسکتا ہے۔ معروف برطانوی ویب سائٹ پر شائع رپورٹ کے مطابق امریکی افواج کی جانب سے خفیہ طور پر تیار کیے گئے ایک ایسے جنگی طیارے کی تصویر منظر عام پر آگئی ہے جو 7400 کلومیٹر( 4600 میل) فی گھنٹہ کی رفتار سے پرواز کرسکتا ہے اور ممکنہ طور پر اس وقت دنیا کا سب سے تیز رفتار طیارہ بھی ہے۔
نشے سے نجات کیلئےایک دُکھی دل کی پکار “یہ دھواں کھا گیا ، میری روح کو، میرے چین کو ” گلوکار سلطان بلوچ کا سلگتا ہوا نغمہ ، دلگداز آواز، دل کو چھو لینے والی دھن روح کو تڑپا دینے والے بول – ولنگ ویز پروڈکشن
Dr. Sadaqat Ali tells,”How to prevent fraud and embezzlement?”
Posted by Willing Ways on Tuesday, January 2, 2018
یہ تصویر گوگل ارتھ کے ذریعے منظر عام پر آئی ہے جس میں گوگل نے سیٹلائٹ کے ذریعے امریکی ریاست فلوریڈا میں موجود ایئربیس کی تصویر حاصل کی ہے جس میں دیکھا جاسکتا ہے کہ ایئر بیس پر ایک تکون شکل کا طیارہ موجود ہے۔
ویب سائٹ کا دعویٰ ہے کہ تصویر میں نظر آنے والا طیارہ امریکی ایئرفورس کا سب سے تیز ترین پرواز کرنے والا ہائپر سونک پلین ہے جسے اب تک خفیہ رکھا جارہا ہے اور اسی کی پرواز کو بعض اوقات لوگ اڑن طشتری سے بھی تعبیر کرتے ہیں۔ رپورٹ کے مطابق یہ خفیہ ہائپر سونک طیارہ دنیا کی سب سے بڑی طیارہ ساز کمپنی لاک ہیڈ مارٹن نے تیار کیا ہے، اسے تیار کرنے کا پروجیکٹ سال 2000ء میں شروع ہوا تھا۔
اس ضمن میں کھینچی گئی تصویر سوشل میڈیا پر اور تصاویر پر مبنی ایک ویڈیو یو ٹیوب پر وائرل ہوگئی ہے تاہم بعض لوگوں کا دعوی ہے کہ یہ طیارہ نہیں بلکہ ایک اسپیڈ بوٹ ہے جو کہ سمندر میں اتاری جائے گی تاہم متعدد افراد نے اسے طیارہ بھی قرار دیا۔ خیال رہے کہ یہ طیارہ کراچی سے نیویارک ڈیڑھ گھنٹے میں پہنچ سکتا ہے جب کہ اس وقت عام مسافر بردار طیارے 11 ہزار 680 کلومیٹر کا یہ فاصلہ 18 گھنٹے میں طے کرتے ہیں ، اسی طرح یہ طیارہ نیویارک سے لندن کا 5 ہزار585 کلومیٹر کا فضائی فاصلہ محض 45 منٹ میں طے کرسکتا ہے۔
